نفسية القطيع

كنت قلت إن البشر دوائر
وأني دايماً على الأطراف

يوم الثلاث كنت في الأفترإيت مع أصدقاء من خارج مصر

وكالمعتاد نفس الناس، نفس الدوائر ، كانت موجودة

بالتأكيد مكاني خارج الدوائر المختلفة خلاني أول مرة أخد بالي من مسلمة في علم الأجتماع

القطيع
مهماً أدعى الرجل اليساري إنه تقدمي
حتفضل نفسية القطيع مسيطرة عليهم
صراع الذكور على الإناث
التوجس من أي ذكور جديدة في القطيع
التنافسية الأستعراضية بين ذكور القطيع
بغض النظر عن وجود إنثى من عدمه

المشكلة إن هذا إن كان غير معترف بيه بين أعضاء المجموعة
إلا إنه واضح جداً لأي مشاهد من الخارج
إلا إذا كان هو الأخر منخرط في صراع داخل مجموعته

المشكلة الحقيقية من وجهة نظري
إن الحيوانات هيه ألي بتتظلم في دوت
لإننا بنحط لنفسنا
مش عارف أسمه إيه بالظبط
مبادئ، شعارات، أعتقد إن التسمية الصحيحة
إطار مقترح لقواعد السلوك الإنساني
بعض النظر طبعاً كان مؤسس على إيه
دين، عبث، أي شيئ
وبعد ما نحط بينا وبين بعض هذا الإطار
غصب عننا بنقدسه
لإنه أصبح ما هو متفق عليه بيننا
ولو ظاهرياً
وبالتالي يصبح من يخرقه هو الأثم
ويقال عليه حيوان

رغم إن الحيوانات أجمل من كده بكتير
كل شيئ واضح ومعلن ولا يدعى غيره
والأهم من كل دوت
إنها فطرية
قائمة على اللحظة
بدون أي وعود بالإنسانية أو الأخلاقية أو الدينية
وبدون أي ضمانات غير الإتساق الحيواني