خيال مريض

قلتلها (طبعاً في خيالي)
أنا بعد أي أتصال ما بيني وبينك بكتب بوست
أي أتصال تلفون، مقابلة أو حتى أقرى المدونة بتاعتك
قالتلي
............................................

قلتلها
مش عارف بحس فيكي طاقة إيجابية بتحرك حاجات كتير جوايا
مكنتش أعرف أصلاً أنها موجودة
قالتلي
............................................

قلتلها
ممكن تكون أكلاشيهات، كلام أتقال كتير، بس حقيقي أنا مذهول أني بحس بدوت
قالتلي
............................................

قلتلها
خطر، خطر الفقد، خطر الشرخ، خطر الألم، خطر
قالتلي
............................................

قلتلها
ساعات بحس أني زي حتت اللحمة الحمرة المهرية من كتر ألي حصل فيها، وساعات بحسها معفنة علشان من كتير ما حصل ليها
قالتلي
............................................

قلتلها
علشان مش مصدق نفسي، كتير بقول لاء دوت وهم، أنت أصلاً ماشي تحب على روحك، وساعات تانية أقول لاء أنا جويا حاجة بتتغير
قالتلي
............................................

قلتلها
مفتكرشي إنه ينفع، أنا حاجة وأنتي حاجة تانية خالص، ومعرفشي أعرف أجيلك ولا لاء، هوه مجرد أحساس جوايا، وعمري متخيل إنه حيبقى حاجة أكتر من كده
قالتلي
............................................

قلتلها
ساعات دوت بيخنقني وساعات بحس أن دوت أأمن، ساعات بعرف أخرج دوت في الكتابة وساعات بخرج دوت في الخيال، بس على الأقل هوه خيال أمن
قالتلي
............................................




قلت لنفسي بصوت عالي، ينعل دينك في الأرض